بسطيلة د الحوت بطريقتي

بسم لله

بسطيلة د الحوت

المقادير : 2 فلفل احمر مقطع مكعبات صغار

2 بصلات متوسطين مكعبات صغار ( ممكن استبدال البصل بالثوم )

2 حبات طماطم مقطعة مكعبات صغيرة

نص ربطة د القزبور مطحون

6 أوراق الرند + نص م ص ابزار + م ك كمون + م ص سكينجبير + م ص عامرة بالشطة +

م ك تحميرة + م ص زعتر مطحون + ملح + م ك مركز الطماطم

زيت مخلطة بلدية ورومية عينك ميزانك

1 قشرة ليمون مصير مقطعة مكعبات صغيرة ومسلوقة شوية فالما

نص كاس د العنبة ديال الزيتون مقطع مسلوق شوية فالما

1 باكية كبيرة شعرية صينية

250 غ قمرون

250 غ كلمار مسلوق شوية فالما ونحتفضو بالما د السليق

125 غ مكعبات سمك ابيض

علبة شمبنيون ( انا مستعملتوش )

وطبعا ورقة البسطيلة

فمقلة كنعمله الزيت يسخن ونعمله الفلفل يدبال شوية ومنبعد نعمله البصلة والقزبور

منين يدبالو شوية كنزيد العطرية ومطيشة نحرك ونغطيهم ونخليهم شوية حتى تنزل مطيشة

نضيفو القمرون وطريفات د الحوت

نضيفو الكلمار وصلصة الطماطم و وريقات د الرند ونغطيو وكل ما حسينا ان الخليط نشف نضيفولو شوية من الما لي سلقنا فيه الكلمار

ونسلقو الشعرية الصينية فالما شوية ونقطروها ونقطعوها بالمقص