عصير كوكتيل

المقادير :

2 بنانات + 1 خوخة + عنقود عنب أبيض و أحمر + 2 لفاني + 4 طريفات ديال البطيخ + كاس كبير د اللبن + 1 لتر عصير البرتقال + 3 م ك سكر أو حسب الذوق + تفاحة نسيت مصورتهاش








كنقطعو الفواكه ونعمله كلشي فالخلاط الكهربائي



نصفيوه ونقدموه بارد








بالصحة والراحة

بسطيلات بكفتة الدجاج وقنينطات بلكروفيت والخضرة

انيقاتي الغاليات كنتمنى تكونو بالف صحة وسلامة


بسيطلات بكفتة الدجاج والخضر + قنينطات بنفس الخضر ولكروفيت وقطع السمك

الحشوة الأولى

المقادير : كفتة الدجاج الموجود انا عملت 300 غرام + 1 قرعة خضرا محكوكة + 1 جزرة محكوكة + 1 بصلة مشلضة + 1 فلفلة حمرا مكعبات

صغيرة + 3 فروماج لفاش كيري أو اي فروماج اخر + 2 م ك قزبور

سكنجبير + كمون + ملح + زعتر + ابزار

الحشوة الثانية :

كروفيت وقطع سمك ابيض +

نفس المقادير كنضيفوهم للكروفيت الا الفروماج

وكنضيفو ورقة رند و غدين نشوفو الطريقة











كنحمر البصلة ونضيف الفلفل يدبالو شوية ونضيف القرع والجزر








نغطيهم ونخليهم يطلقو الما ديالهم ويبداو يطيبو



ونضيف العطرية والملح ونحيد نصف الخليط نحتفض بيه على جنب



نضيف الكفتة نفرتتها مزيان ونخليها تطيب






نعملها فكسكاس صغير ونخليها تبرد وتقطر

نجيو دابا للكروفيت والحوت نشحرهم فملعقة د الزيت ك نغطيهم باش يطيبو ومكيخدوش وقت فالطياب

كنضيف ليهم مليحة ووريقة د الرند



نضيف عليهم الخضيرة لي حيدنا من الخليط الاول ونخليوهم يبردو ويقطرو حتى هما






لويت بالطريقة العادية قنينطات عمرتهم بالحشوة ديال الكروفيت

وبسيطلات بكفتة الدجاج

كنتمنى ينالو اعجابكم وبالصحة والراحة

قطبان سمك spada

قطبان د الحوت

المقادير : 300 غ سمك سبادا او ابوسيف ممكن استعمال اي نوع من السمك

ثوم + م ك قزبور + م ص كمون + م ص تحميرة + نص م ص فلفل حارأو هريسة + نص م ص زعتر

ملح + شوية د الزيت بلدية + نص بصلة مكعبات + نص فلفل أحمر مكعبات


الطريقة : كنخلطو كلشي مع طريفات د الحوت



كنخليوها على الاقل ساعة تشرب الشرمولة وكل ما خليناها اكتر يكون احسن



عمرت لعويدات بطريف د الحوت ولفلفل حوت بصلة حوت فلفل وهكذا بالتتابع

وعملتهوم يتشواو على شواية ثقيلة او ممكن نعملوهم فالفران


وها هما واجدين







 

بصحة وعافية 

سلطة الأناناس

بسم لله


المقادير : 1 أناناس


شوية د القمرون مسلوق


نص علبة ذرة


شوية د الخص مقطع رقيق


شوية د الملحة


وصلصة مكونة من ميونيز وكتشوب مخلطين


وقطع نص ديال الاناناس


الوصفة كيكون فيها حتى السوليمي مكانش عندي





كنخلطو كلشي ونعمرو فالاناناس لي فرغنا















تقدم باردة بالصحة والراحة

بلجان بخضيرة بطريقتي

المقادير : 3 د بلجانات مقطعين مكعبات

1 قرعة خضرا مكعبات

1 جعدة مكعبات صغييييييرة

1 بطاطا مكعبات

1 ضرس د الثوم

حفنة د اللوبية خضرا مقطعة صغيرة

2 مطيشات مقطعين مكعبات صغيرة

شوية د القزبور

سكنجبير - الكامون - الابزار - التحميرة - الملح - الزيت بلدية ورومية








فالكوكوط كنعملو الزيت والعطرية يسخنو شوية ونضيفو مطيشة والقزبور




حتى يدبالو عاد نبدا نضيف الخضرة ونخلي اللوبية والبلجان للاخير






نضيف كاس د الما والضرس د الثوم مكمول كيف الصورة




نسد الطنجرة ونحسب منين تبدا تصفر 10 حتى ل 15 دقيقة ومرة مرة نهز الطنجرة ونحركها باش ميلصقش




منين تطيب نزول الثومة ونضغط عليها بالموس كيف الصورة ونردها للبلجان ونقدمه بالصحة والراحة






بالصحة والراحة

كروكيت بطاطا والكفتة patata piruana

 
المقادير : 1 حبة القرع خضرا مقطعة رقيقة

1 بصلة مقطعة رقيقة

نص م ص سكنجبير + نص م ك ابزار

نص م ص كمون + ملح

ملعقة كبيرة د المعدنوس

زيت بلدية ورومية

250 غ كفتة

4 بطاطات كبار مسلوقين و مطحونين ف طحانة مطيشة .

الطريقة : كنطحنو البطاطا ونضيفو ليها الملح ومعلقة د الكامون ونخلطوها مزيان ونديروها تبرد فالثلاجة


كنعملو الزيت تسخن وندبلو البصلة والمعدنوس شوية ونضيفو العطرية والقرعة الخضرا ونغطيو ونخليوها تطيب منين تطيب نضيفو الكفتة

الصور تشرح اكتر










منين تطيب الكفتة نكبو الخليط فكسكاس يمصل من الزيت ويبرد


كنعملو كورة د البطاطا على شكل بيضاوي كيف الصورة ونعمروها بالكفتة ونسدو بحال الصور







كندوزوها فالطحين والبيض وشبليغ ونقليوها فزيت تكون سخونة مزيان مزيان باش متطرطقش











هاهي واجدة بالصحة والراحة



ملاحظة : ممكن نعملو مع الحشوة اي خضرة المهم تكون كتقلا بحال الفلفل او البلجان